نظام Android 7.1.1 لهاتف Galaxy Note 3 | روم Resurrection Remix
إستمتع بتجربة نظام Android Nougat 7.1.1 على أجهزة Samsung Galaxy Note 3 4G من خلال أحدث إصدار من روم Resurrection Remix. ازيكوا يا ولاد، محدثكم من داخل احدث فيرجن من روم ريزريكشن ريمكس بنظام اندرويد نوجا 7.1.1.
أنا عن نفسي ساعات بيجيلي زهق من رومات تاتشويز “رومات أجهزة سامسونج” مع كمية المميزات المهولة في واجهة سامسونج تاتشويز وكمية الخيارات الكتير جدا فيها يبقى عيبها القاتل وهي إنها بتكون تقيلة جدا على بعض تليفونات سامسونج الفئة المتوسطة وحتى كمان ساعات كتير بتهنج على الفلاج شيب ده غير إنها بتاكل البطارية أكل”انا مش هدخل في جدال عقيم مع أي شخص هيدخل يدافع عن تاتشويز لأن للأسف ده واقع فعلا” بس تبقى واجهة سامسونج هي أحلى واجهة اندرويد ممكن تتعامل معاها في حياتك والمنافس الوحيد ليها هي واجهة MIUI.
عشان كده البوست ده موجه للناس إللي زهقانة زي حالاتي من رومات سامسونج إللي بقى معظمها شبه بعضها والمختلف في كل روم فيهم حاجات داخلية لا ترى بالعين المجردة ?. روم النهاردة خفيفة، مستقرة، سريعة طلقة، كلها مميزات وحركات، بالإضافة لإنها بنظام اندرويد نوجا 7.1.1 خام. إستنى، نسخة اندرويد الخام مش عيب زي منتا فاكر لأنه عامل زي الصلصال وممكن تشكله زي منتا عايز لو إنت عارف إنت بتعمل إيه، العب فيه براحتك مش هيقولك لا.
روم Resurrection Remix لهاتف Galaxy Note 3
روم Resurrection Remix مساحتها الكلية أقل من 400 ميجا!، ماتتخضش هي كده لأنها بدون أي إضافات وجاية بواجهة بسيطة جدا وتقدر تعدلها بكل سهولة. النسخ القديمة من الروم دي كده ما كانتش بتدعم الثيمات بس النسخة في البوست الواجهة متغيرة و الأيقونات كمان متغيرة زي منتوا شايفين.
روم Resurrection Remix هتجيب معاك Screen On فحت وردم وتمشي بالموبايل ع الحيطة اكتر من 5 ساعات.، حرفيا يعني مش هزار ومستخدمين رومات AOSP يقدروا يدعموا كلامي ده. الروم خفيفة لدرجة غريبة إنت مش هتصدق إن ده موبايلك، طبعا التعامل هيكون صعب معاها في الأول لأنها مختلفة عن رومات تاتشويز شكلا وموضوعا.
من عيوبها القاتلة إنها مافيهاش S Pen للأسف بما إنها مش تاتشويز، القلم شغال عادي بس كأنه تاتش عادي مالوش أي وظايف خالص، الكاميرا جميلة وتقدر تتحكم في كل جزء فيها. روم Resurrection Remix مدمج فيها روت Magisk Manager بشكل إفتراضي وهو أقوى من SuperSU بكتير جدا. طبعًا زي منتوا شايفين في الصور، مش ده شكل الروم الأساسي وانا مغيره كله من الألف إلى الياء. أولًا عشان اللي عايز ويدجت الطقس اللي موجود في الروم هو إسمه Star Clock Widget وتقدر تنزله من هنا:
[appbox googleplay com.mobiistar.clock]
تاني حاجة اللانشر أو الثيم اللي في الصور هو لانشر Nova Prime مع عداد إشعارات Tesla “مش هيشتغل غير مع نوفا برايم” ونوفا برايم أصلا بفلوس، فادور عليه في جوجل إنت انا ماليش دعوة بالموضوع ده، تقدر تنزل Nova Prima من هنا:
[appbox googleplay com.teslacoilsw.launcher.prime]
أما الأيقونات فهي MIUI 5 Icon Pack وتقدر تنزلها من هنا:
[appbox googleplay com.xda.miroex]
وبالنسبة للكيبورد فأنا بستخدم كيبورد SwiftKey وتقدر تنزله من هنا:
[appbox googleplay com.touchtype.swiftkey]
روم Resurrection Remix
تحميل روم Android Nougat لهاتف جالكسي نوت 3
| إسم الروم | Resurrection Remix |
| إصدار النظام | Android 7.1.1 |
| حجم الروم | 339 ميجابايت |
| واجهة المستخدم | AOSP v5.8.5 |
| مناسبة لهاتف | Galaxy Note 3 |
| تاريخ الإصدار | 13 ماريس 2018 |
| رابط المصدر | XDA Developers |
Download Resurrection Remix v5.8.5 ZIP
بالنسبة لحزمة خدمات Google اللي مفروض تفلشها بعد الريكفري، من الموقع هتختار زي الاختيارات دي بالترتيب:
- ARM
- 7.1
- Mini – الإختيار ده ليك الحرية في تغييره وده بيكون كمية برامج جوجل اللي انت عايزها داخل الملف.
ما قبل تثبيت الرومات المعدلة
إذا كنت جديد بهذا الأمر، وتقوم بتنفيذه للمرة الأولى، بجانب أنك قد وصلت لهذه الصفحة عبر بحثك عن شئٍ ما ثم وجدتنا بطريق الصدفة، إذا ربما يجب أن تعرف أن هناك بعض المتطلبات الضرورية أولًا قبل أن تتجه إلى تثبيت رومات اندرويد المعدلة على هاتفك. وأنصحك أيضًا أن تتجه لصفحة كل ما يخص سامسونج حتى يكون لديك فكرة جيدة عما نفعله هنا.
- حفظ نسخة إحتياطية لملفات الهاتف.
- إستبدال الريكفري الرسمي بآخر مخصص.
- حفظ نسخ إحتياطية من الروم الرسمي.
- تعلُّم خطوات تفليش الرومات عبر الريكفري المعدل.
المتطلبات الضرورية
- تثبيت ريكفري TWRP إصدارtwrp-3.3.1-0-hlte (باستخدام الاودين من الشرح السابق)
- هذا الإصدار تحديدًا هو الملائم لرومات اندرويد الخام على هواتف سامسونج
- تأكد أنك تقوم باستخدام Odin 3.09 إذا أردت تثبيت هذا الإصدار من الريكفري
خطوات تثبيت روم معدلة عبر ريكفري TWRP
- قم بتحميل ملف الروم، وملف GApps (خدمات جوجل) من الروابط المرفقة بالأعلى، ثم قم بنقل الملفات إلى ذاكرة SD خارجية (وليس ذاكرة الهاتف الداخلية).
- قم بإعادة تشغيل الهاتف بداخل وضع ريكفري TWRP.
- من قائمة الريكفري الرئيسية توجه إلى Wipe > Advanced wipe وبعد ذلك قم باختيار أقسام System, Data, Cash, Dalvic ثم قم بالسحب على زر Swipe بالأسفل للتنفيذ. هذه العملية ستقوم بإزالة النظام الحالي من الهاتف.
- مرة أخرى من قائمة الريكفري الرئيسية، توجه إلى زر Install ثم تصفح ملفات الهاتف وصولًا إلى ملف الروم على الذاكرة الخارجية. وبعد ذلك ستحتاج إلى الضغط على زر Add More Zips لإضافة خدمات جوجل الرسمية إلى الروم أو GApps. وفي النهاية إسحب على زر Swipe لبدء تثبيت الروم.
- بمجرد انتهاء تفليش الروم، قم بالضغط على زر Reboot System الذي سيظهر بالأسفل.
الخاتمة
على الأرجح أنك تعرف هذا الأمر بما أنك تقرأ هذه الخطوات، ولكن الإقلاع الأول بعد تفليش الروم يستغرق وقتٍ طويل، لذلك لا تقلق هذا شئ طبيعي. وبالنظر إلى أن هذه الروم ليست رسمية ولكنها من بعض مطوري XDA المستقلين، هناك إحتمال ألا ينجح الهاتف في الإقلاع الأول من الأساس، وبالتالي يجب أن تكون جاهز لجميع الإحتمالات، لذلك ذكرنا عمل نسخة NANDroid إحتياطية ضمن المتطلبات الضرورية.